بە پێی هەواڵی گەیشتوو رۆژی سێشەممە ٢ی بەفرانبار بە داخەوە حاجی هەمزەی خودایاری لە شاری بۆکان بە هۆی چوونەسەری تەمەن ماڵئاوایی لە ژیانکردوە. کاک حاجی هەمزە باوکی هاورێی گیانبەختکردوو عەلی خودایاری ناسراو بە ئاکۆ،لە ناو خەڵکی شاری بۆکان وئاشنا و ناسیاوانیداو،وەک کەسایەتییەکی خۆش نێو خاوەن پێگە ومتمانەیەکی بەرزی کۆمەڵایەتی بوو. شایانی باسە هاورێ عەلی خودایاری کە لە نێو ریزەکانی کۆمەلەدا بە ئاکۆ دەناسرا،نەورۆزی ساڵی ١٣٦٢ی هەتاوی لە شەرێکی قارەمانانەدا لە ئاوایی ئاختەتەری ناوچەی بۆکان گیانی ئازیزی لە پێناو ئامانجە بەرزەکانیدا بەختکرد. ئێمە بە بۆنەی ماڵئاوایی لە ژیانکردنی کاک حاجی هەمزەی خودایاری لە لایەن هەموو ریزەکانی کۆمەڵەوە پر بەدڵ سەرەخۆشی لە بنەماڵە و کەس وکاری و هەموو خەڵکی خەباتکاری شاری بۆکان دەکەین و خۆمان بە شەریکی خەم وپەژارەیان دەزانین. هەرچەند کاک هەمزە وەک باوکێکی دڵ بریندار بەر لە وەدیهاتنی ئەو ئامانجانەی کە رۆڵەکەی لە پێناویدا گیانی بەختکرد ماڵئاوایی لە ژیانکرد،بەڵام دڵنیاین کە هەتا وەدیهاتنی ئامانجە بەرزە ئینسانییەکانی هاورێ عەلی و هەموو گیانبەختکردووانی کۆمەڵە خەبات و تێکۆشان بەردەوام دەبێ. یادی ئازیزی کاک حاجی هەمزەی خودایاری بەرزو بەرێز بێ.
کۆمەڵەی زەحمەتکێشانی کوردستان
٣ی بەفرانباری ١٣٩٩ی هەتاوی
٢٣ی دسامبری ٢٠٢٠ی زایینی
