لە سەر داوای ناوەندی هاوکاری حیزبەکانی کوردستانی ئێران لە وڵاتی سوێد, ڕۆژی شەممە ڕێکەوتی : 2019/11/23 ساعەت 9 بۆ 11 ی پێش نیوەرۆ، کوردستانیانی تینۆی ئازادی و دەرکراو لە خاکی نیشتمان بە تایبەتی کوردانی ڕۆژهەڵاتی کوردستان لە ناوەندی شاری ستۆکهۆڵم کۆبوونەوە و لە ژێر ئاڵای کوردستاندا هاواری یەکێتی نیشانەی سەرکەوتنمانە و دەنگی خۆیان بە دژی ڕێژیمی کۆماری ئیسلامی ئێران بە گشتی بەرز کردەوە و هاودەنگی و پشتیوانی خۆیان لە خۆپیشاندانەکانی گەڵانی زۆڵم لێکراوی ئێران بە گشتی و گەلی کورد لە ڕۆژهەڵاتی کوردستان بەتایبەتی دووپات کردەوە.
ئەم خۆپێشاندانە بە بەشداری چەندین حیزب و رێکخراوی سیاسی و رێکخراوەکانی کۆمەڵگای مەدەنی و چەندین کەسایەتی سیاس کورد و ئێرانی و سوێدی و هەر وەها چەندین دەزگای راگەیاندن و رۆژنانە نووس بەرێوە چوو.
بەشێک لە هاووڵاتیانی ئێمە لە شارەکانی دورەوە خۆیان گەیاندە ستوکهوڵم و ئەرکی نیشتمانیان بە جێ هێنا
سەرەتای ڕێورەسمەکە بە
خوێندنەوەی سروودی ئەی رەقیب و خۆلەکێک بێ دەنگی بۆ رێز گرتن لە گیانی پاکی شەهیدانی رێگای رزگاری کوردستان دەستی پی کرد.
پاشان
پەیامی ناوەندی هاوکاری حزیەکانی کوردستانی ئێران بە زمانی کوردی لە لایەن سالار ئاشناگەر و بە زمانی سوێدی لە لایەن سۆزان فەتحی خوێندرانەوە.
دواتر دەگەڵ نێوئاخنی سرودی شورشگێری
پەیامی ناوەندی هاوکاری هیزەکانی کورد و کوردوستان لە هەر چوار پارچەی کوردوستان پێشکەش کرا
پارتی دێموکراتی کوردوستان (لێژنەی سوئێد) پەیامی پشتیوانیان پێشکەشی بەشدار بوان کرد
کۆنگرەی نەتەوەکانی ئێرانی فیدرال لە لایەن ناسر بولیدەییەوە چەند وتەیەک پێشکەش کرا
کایا ئیزۆل سەرۆکی فدراسیونی کۆمەڵە کوردوستانیەکانی سوئێد پەیامی پشتیوانی فدراسیونی پێشکەش کرد
پاشان پارچە شیعرێک لە لایەن خاتو ناهید حوسێنیەوە پێشکەش کرا
پارتی ژیانی ئازادی کوردستان پەیامی پشتیوانی خۆیان پێشکەش کرد
سازمانی دێموکراتیکی یارسان لەو بارەوە وتاریان پێشکەش کرد.
لاوانی حیزبی سوسیال دێموکراتی سوئێد پەیامی پشتیوانی خۆیان لە لایەن شاهین خوسرەوی خوێندەوە.
لە بڕگەیەکی دیکە دا دوو پارچە شیعر لە لایەن مامۆستا ئاشق ئیسماعیلی و حەمید شەریفی خوێندرانەوە
لە دوای ئەو فردریک ماڵم پاڕڵمانتاری دۆستی کورد لە حیزبی لیبڕاڵەکانی سوئێد پشتیوانی گەرمی خۆی و پارتەکەی دوپات کردەوە
پاشان ئامینە کاکەباوە ئەندامی پێشوی پاڕڵمانی سوئێد لەو بارەوە وێڕای پشتیوانی رەخنەی لە سیاسەتەکانی دەوڵتی سوئێد گرت کە لەو بارەوە کەمکاری کراوە
لە کۆتایی بەرنامەکەدا خاتو ئارێز محەمەدی بە نوێنەرایەتی ناوەندی هاوکاری حیزبەکانی کوردوستانی ئێران لە سوئێد
سوپاسی بەشداری گەرمی کوردانی سوئێدی کرد و یەکیەتی و یەکڕیزی کورد و لایەنەکان تاکیدی لە سەر کراوە.
ئەو ڕێورەسمە کاتژمیر یازدەی بەیانی کۆتایی پێ هات
