سەرلەبەیانی ئەورۆ شەممە ٢ی ڕەشەمە بە ئامادەبوونی ڕێژەیەکی بەرچاو لە کۆمەڵانی خەڵکی شاری سنە کۆبوونەوەیەک بۆ نارەزایەتی دەربرین لەھەمبەر سزای ٥ سال بندکرانی زارا موحەممەدی بەرێوەچوو.
شایانی باسە لە ڕۆژانی رابردوودا دادگای پێداچوونەوەی سنە سزای ٥ سال بەندکرانی بەسەر زارا محەممەدی چالاکوانی کۆمەڵایەتی و مامۆستای زمانی کورردی سەپاند.
جێی ئاماژەیە لە ماوەی یەک مانگی ڕابردوودا دەیان هەڵسووراو و کەسایەتی چالاک لە ڕێکخراوە مەدەنییەکان لە شارە جۆراوجۆرەکانی کوردستانی رۆژهەڵات لە لایەن ھێزە ئەمنییەتییەکانی رژیمی کۆماریئیسلامی لە شەپۆلێکی رەشبگیری دا دەستبەسەرکراون و هەتا ئێستا چارەنووسیان زۆربەیان روون نییە.
